<![CDATA[egenuma.com - BLOG]]>Wed, 25 Mar 2026 03:33:45 +0530Weebly<![CDATA[2021 AL Time Table]]>Sat, 01 Jan 2022 15:38:34 GMThttps://blog.egenuma.com/blog/2021-al-time-table
Picture
උසස් පෙළ විභාගය 2021 සදහා අදාල කාලසටහන නිකුත් කර තිබෙනවා.‌මෙවර විභාගය ආරම්බ වන්නේ 2022 පෙබරවාරි 07 වෙනි දින වන අතර 2022 මාර්තු 05​ වන දින අවසන් වෙයි.
කාලසටහන / நேர அட்டவணை / Timetable
අධ්‍යයන පොදු සහතික පත්‍ර (උසස් පෙළ) විභාගය - 2021 
கல்விப் பொதுத் தராதரப் பத்திர (உயர் தர)ப் பரீட்சை - 2021
General Certificate of Education (Advanced Level) Examination - 2021
DOWNLOAD
]]><![CDATA[2020 ol time table]]>Thu, 25 Feb 2021 03:27:54 GMThttps://blog.egenuma.com/blog/2020-ol-time-table
Picture
2020 සාමාන්‍ය පෙළ විභාගය සදහා අදාල කාලසටහන නිකුත් කර තිබෙනවා.‌මෙවර විභාගය ආරම්භ වන්නේ මාර්තු 01 වෙනි දින වන අතර මාර්තු 10​ වන දින අවසන් වෙයි.
කාලසටහන / நேர அட்டவணை / Timetable
G.C.E.(O/L) Examination
2020 (2021 March ) Timetable
Download

English     |     Sinhala     |     Tamil
]]><![CDATA[2020 al time table]]>Tue, 11 Aug 2020 09:42:35 GMThttps://blog.egenuma.com/blog/2020-al-time-table
Picture
උසස් පෙළ විභාගය 2020 සදහා අදාල කාලසටහන නිකුත් කර තිබෙනවා.‌මෙවර විභාගය ආරම්බ වන්නේ ඔක්තොම්බර් 12 වෙනි දින වන අතර නොවැම්බර් 06​ වන දින අවසන් වෙයි.විභාගය සදහා නව හා පැරණි ලෙස කාලසටහන් දෙකක් නිකුත් කර තිබේ.
කාලසටහන / நேர அட்டவணை / Timetable
අධ්‍යයන පොදු සහතික පත්‍ර (උසස් පෙළ) විභාගය - 2020 
கல்விப் பொதுத் தராதரப் பத்திர (உயர் தர)ப் பரீட்சை - 2020
General Certificate of Education (Advanced Level) Examination - 2020
Old syllabus
 New syllabus
source : https://www.doenets.lk/exam/
]]><![CDATA[ලංකාවේ පෞද්ගලික විශ්වවිද්‍යාල]]>Fri, 17 Jan 2020 08:17:43 GMThttps://blog.egenuma.com/blog/private-university-in-sri-lanka
Picture
මේ ලිපිය ලියන්නේ ලංකාවේ තොරතුරු තාක්ෂණ ක්ෂේත්‍රය සම්බන්ධව තියෙන පුද්ගලික විශ්වවිද්‍යාල කිහිපයක් ගැන. ඒ නිසා මුලින්ම මම ලංකාවේ පුද්ගලික අධ්‍යාපනය සහ පුද්ගලික විශ්වවිද්‍යාල ගැන මගේ මතය ප්‍රකාශ කර සිටින්නම්. මේක නිල නොවන පුද්ගලික සමූහයක් නිසා මට මගේ මතය ප්‍රකාශ කරන්න බාධාවක් නෑ
මම පොදු අධ්‍යාපන ක්‍රමයෙනුත් පුද්ගලික අධ්‍යාපන ක්‍රමයෙනුත් යන ක්‍රම දෙකෙන් ම අධ්‍යාපනය ලබාගෙන ඉන්න කෙනෙක්. රාජ්‍ය පාසලක එක වසරේ ඉඳන් අධ්‍යාපනය හදාරලා පෞද්ගලික උපකාරක පංතිවලින් උසස් පෙළ හදාරලා මොරටුව විශ්වවිද්‍යාලයෙන් ප්‍රථම උපාධිය ලබා ගත් මම, අද වෙනකොට මේ කියන්න යන මතය දරන්නේ, වර්තමානයේ පෞද්ගලික ආයතනයක මෘදුකාංග ඉංජිනේරුවරයෙක් වශයෙන් සේවය කිරීමෙන් ලබන අත්දැකීම්වලින් සහ 2012 වසරේ සිට අද දක්වා සිසුන් ගණනාවක් විශ්වවිද්‍යාල යැවූ උසස් පෙළ තොරතුරු හා සන්නිවේදන තාක්ෂණ දේශකවරයෙකු ලෙස අත්දැකීම් කිහිපයක් ලබාගැනීමෙන් පසුවයි.
පුද්ගලික විශ්වවිද්‍යාල කියන නම අපිට මීට අවුරුදු 10කට විතර කලින් නුහුරු දෙයක් වුණත් අද වෙනකොට ඒක හොඳට හුරු වචනයක්. ඒකට හේතුව ඒ කාලයේ ලංකාවේ පොදු අධ්‍යාපනයේ තිබූ විධමත්භාවය හෝ වර්තමානයේ රැකියාවලට ඇති ඉල්ලුම හෝ ජනගහනයේ වැඩිවීමට අනුව රාජ්‍ය විශ්වවිද්‍යාලවලට ඇතුලත් කරගන්නා ප්‍රමාණ ඉහල නොයෑම හෝ විය හැකියි. කොහොම වුණත් පළමුව කිව යුතු කාරණය වන්නේ ලංකාවට නිදහස් පොදු අධ්‍යාපනය වගේම පුද්ගලික අධ්‍යාපනය ද අවශ්‍යයි!
පෞද්ගලික අධ්‍යාපනය ලෙස මම මෙහි අදහස් කරන්නේ පෞද්ගලික විශ්වවිද්‍යාල මිස, පෞද්ගලික උපකාරක පංති නොවෙයි. පෞද්ගලික උපකාරක පංති සම්බන්ධව මම දරන්නේ වෙනම මතයක්. මම උසස් පෙළ තොරතුරු තාක්ෂණ පෞද්ගලික උපකාරක පංති දේශකයෙක් වුණත්, මගේ මතය අනුව ලංකාවේ පාසල්වල ඇති කාලච්ඡේද, අදාල විශයන් ඉගැන්වීම සඳහා හොඳටම ප්‍රමාණවත්. ඒ කාලච්ඡේද නිවැරදි ලෙස යොදාගෙන, විද්‍යාගාර පහසුකම් හොයාගෙන හරියටම ඉගෙනුම් ඉගැන්වීම් ක්‍රියාවලිය සිද්ධකරනවා නම්, ළමුන්ට උපකාරක පංති අවශ්‍ය නෑ. ලංකාවේ උපකාරක පංති කියලා දෙයක් ඇති වෙන්න ඕනෙත් නෑ පාසල්වල ඒ විදියට උගන්වනවා නම්. නමුත් අද ලංකාවේ බොහෝ පාසල්වල ඒ ක්‍රියාවලිය ඒ ආකාරයෙන් සිද්ධ නොවෙන නිසා ළමුන්ට උපකාරක පංතිවලට යන්න සිද්ධවෙලා තියෙනවා. උපකාරක පංතිවල පිහිටෙන් සියලු විභාග සමත් කරගැනීමට සිදුවෙලා තියෙනවා. ඒ සියල්ල ඒ ආකාරයෙන් ම ඉගෙනගන්න තිබෙන පාසල් කාල වේලාව අපතේ හැර, ළමුන් මේ උපකාරක පංතිවලට යන්නේ ඒ ළමුන්ට පාඩම් කරන්න තියෙන වෙලාවේ. ළමුන් පාඩම් කරන්නේ ඒ ළමුන්ට රසවින්දනයක්, ක්‍රීඩාවක් කිරීමට තිබෙන වෙලාවේ. අද කාලයේ ළමුන් මෙන්ම දෙමාපියන් ද මේ ක්‍රියාවලියට හුරු වෙලා නිසා දැන් ඒ ක්‍රමය ආපස්සට හරවන්න අපහසුයි. මෙය වෙනම කතා කළ යුතු මාතෘකාවක්. මේ ලිපියේ මාතෘකාව මෙය නොවෙන නිසා මේ අදහස මෙතැනින් නතර කරන්නම්.

පෞද්ගලික විශ්වවිද්‍යාල සම්බන්ධව මම දරන මතය නම්, ලංකාවේ පෞද්ගලික විශ්වවිද්‍යාල තිබිය යුතුයි. එහෙම කියන්නේ ප්‍රධාන හේතු දෙකක් ඇතුව සහ කොන්දේසි දෙකක් ඇතුව. හේතු දෙක තමයි, පළවෙනි එක - ලංකාවේ උසස් පෙළ සමත් වෙන (S තුන සහිතව) සියලු දෙනා විශ්වවිද්‍යාල සුදුසුකම් ලබන සිසුන් ලෙස රජයෙන් ම නම් කරනවිට සහ එම රජයේ ම විශ්වවිද්‍යාලවලට ඔවුන් සියලු දෙනා ඇතුලත් කරගන්නේ නැතැයි යන්න පැවසූවිට ඉහත කී “ ලංකාවේ උසස් පෙළ සමත් වෙන (S තුන සහිතව) සියලු දෙනා විශ්වවිද්‍යාල සුදුසුකම් ලබන සිසුන්“ ලෙස ප්‍රකාශ කිරීමේ ඇති තේරුම කුමක් ද? එම සිසුන් සියලු දෙනාටම යාමට විශ්වවිද්‍යාල තිබිය යුතුයි. එය රජයෙන් සිදු නොවේ නම් පුද්ගලිකව හෝ විය යුතුයි.
දෙවෙනි එක - ලංකාවේ උසස් පෙළ හැදැරීමේ දී තමන් කැමති විෂයන් තෝරාගැනීමට ළමුන්ට නීතිමය අවසර තිබුණත්, බොහෝ පාසල්වල ඇති ගුරුවරුන්ගේ හිඟකම සහ සම්පත්වල අඩුව නිසා එසේ ඕනෑම විෂය තුනක් තෝරාගෙන උසස් පෙළ හදාරන්න අවස්ථාව ලබා දෙන්නේ නෑ. එසේ තෝරාගැනීමට තිබෙන එකම අවස්ථාව පෞද්ගලික අයැදුම්කරුවෙක් ලෙස උසස් පෙළ හැදෑරීම. නමුත් එසේ විවිධ විෂයන් කරන ඇතැම් සිදුන්ට සහ උසස් පෙළ නොකරන සිසුන්ට රාජ්‍ය විශ්වවිද්‍යාලවල දොර විවෘත වන්නේ නෑ. ඒ අතර සිටින දක්ෂයින්ට උසස් අධ්‍යාපනය හැදෑරීමට තැනක් තිබිය යුතුයි. එය පුද්ගලික විශ්වවිද්‍යාලවලින් සිදු වේ නම්, ලංකාවේ පුද්ගලික විශ්වවිද්‍යාල තිබිය යුතුයි.
කොන්දේසි දෙක තමයි, පළවෙනි එක - පුද්ගලික විශ්වවිද්‍යාලක අධ්‍යයන පරිසරය, විෂය කරුණු සහ ඉගැන්වීමේ තත්වය (Quality) රාජ්‍ය විශ්වවිද්‍යාල සමග සමාන්තර විය යුතුයි. දෙවෙනි එක - පුද්ගලික විශ්වවිද්‍යාල ලාභ ලබන ආයතන වූවත්, එකම පරමාර්ථය ලාභ ලැබීම නොවිය යුතුයි. මේ කොන්දේසි දෙක ම සපුරන රාජ්‍ය විශ්වවිද්‍යාලයක් තිබේ නම් එයට විරුද්ධ වීමට හෝ එම විශ්වවිද්‍යාලය මගින් ලබාදෙන උපාධි නොපිළිගැනීමට කිසිම හේතුවක් නෑ. සයිටම් වෛද්‍ය විද්‍යාලයට මම විරුද්ධ වුණේ මෙන්න මේ කොන්දේසි දෙක නොමැති වීම නිසා. අනෙක් ක්ෂේත්‍ර වගේ නෙමෙයි වෛද්‍ය අධ්‍යාපනයත් එක්ක ඒ වගේ සෙල්ලම් කරන්න බැහැ.

එතකොට ලංකාවේ මේ කියන කොන්දේසි තිබෙන පෞද්ගලික විශ්වවිද්‍යාල මොනවද? ලංකාවේ තිබෙන බොහෝ පුද්ගලික විශ්වවිද්‍යාල තොරතුරු තාක්ෂණය, ව්‍යාපාර සහ ඉංජිනේරු යන ක්ෂේත්‍රවලට සම්බන්ධ ඒවා. මේ අතරින් ඇතැම් පුද්ගලික විශ්වවිද්‍යාල, ලංකාවේ විශ්වවිද්‍යාල ශ්‍රේණිගතකිරීම්වල ඇතැම් රාජ්‍ය විශ්වවිද්‍යාලවලටත් ඉහලින් සිටිනවා. එම විශ්වවිද්‍යාලවල තොරතුරු, අවසානයේ පහතින් දක්වන්නම්.

ඊලඟ කාරණය තමයි, මොනවගේ අවස්ථාවකදි ද ඔබ උසස් අධ්‍යාපනය සඳහා පුද්ගලික විශ්වවිද්‍යාලයක් තෝරාගත යුත්තේ? උසස් පෙළ එක් වරක් පෙනී සිට, ඉන් සමත් වූ නමුත් රාජ්‍ය විශ්වවිද්‍යාලයක උපාධියකට ඇතුලත් වීමට නොහැකි සිසුවෙකුට මම දෙන උපදෙස තමයි, වත්කමක් තිබේ නම් නැවත උසස් පෙළ විභාගය නොකර, තමන් කැමති ක්ෂේත්‍රය ඇති පුද්ගලික විශ්වවිද්‍යාලයකට අයැදුම් කිරීම. තමන්ට දෙවෙනි හෝ තුන්වෙනි අවස්ථාවේ දී විශිෂ්ඨ ප්‍රතිපල ලබාගැනීමට හැකි බව තහවුරු නම් මේ කතාව අදාල වෙන්නේ නෑ. මොකද පළමුව සලකා බැලිය යුත්තේ රාජ්‍ය විශ්වවිද්‍යාලයකට ඇතුලත් වීම. මම ඒක නොකිව්වත් බොහෝ දෙනාගේ පළමු උත්සාහය වෙන්නේ ඒක තමයි. තමුන්ට එතරම් විශ්වාසයක් නොමැතිව, නැවත වරක් උසස් පෙළ හැදෑරීමට කාලය යොදවන එක මගේ මතය අනුව නම් අපරාධයක්. අද ලංකාවේ සාමාන්‍යෙයන් තුන්වෙනි වර උසස් පෙළ හදාරා විශ්වවිද්‍යාලයකට ඇතුලත් වී ඉන් පිට වී රැකියාවක් සඳහා යන අයෙකුගේ වයස අවුරුදු 26ක් හෝ 27ක්. පුද්ගලයෙකුට ශ්‍රම දායකත්වය සැපයීමේ ශක්තිය සහ වගකීම ලැබෙන වසය අවුරුදු 19, 20, 21 සිට අවුරුදු 25, 26 දක්වා කාල සීමාව දැන් ගෙවෙන්නේ අධ්‍යාපනයට. ඒ නිසා පරම්පරාවෙන් උරුම වන ව්‍යාපාර හැරුණුකොට, ලංකාවේ අධ්‍යාපනයෙන් පමණක් ඉහලට ගිය වයස අවුරුදු 35 හෝ 40ට අඩු තරුණ ව්‍යවසායකයින් ඉන්නේ අතලොස්සක් පමණයි. ඒ නිසා මගේ මතය නම් “උසස් පෙළ සමත්“ සිසුවෙක් ලෙස තවදුරටත් උසස් පෙළ හැදෑරීම වෙනුවට පුද්ගලික විශ්වවිද්‍යාලයකට ඇතුලත් වී ඊට අඩු කාලයක් තුලදී ශ්‍රමය සැපයීම සිදු කිරීමයි වඩා වැදගත් වන්නේ. උසස් පෙළ අසමත් සිසුවෙක් නම් මෙහි පැති දෙකක් සලකා බැලීමට සිදුවෙනවා. තමන් සිටිනා තත්වය සහ තමන් කැමති ක්ෂේත්‍රයෙහි ඇති රැකියා ඉල්ලුම අනුව සිතා බැලිය යුතු වෙනවා උසස් පෙළ අසමත් ලෙසින්ම උපාධියක් ලබාගන්නවාද, නැතහොත් උසස් පෙළ සමත් වී ඒ මාර්ගයට එනවාද කියන එක. ලංකාවේ සියලු ම රාජ්‍ය ආයතන සහ ඇතැම් පුද්ගලික ආයතන උසස් පෙළ සමත් වී සිටීම අනිවාර්යෙන්ම බලනවා.

රාජ්‍ය විශ්වවිද්‍යාලයකට ඇතුලත් වීමේ දී විශ්වවිද්‍යාලවල ශ්‍රේණිගතකිරීම්, විශ්වවිද්‍යාලවල අධ්‍යයන පරිසරය, උපාධිවල පිළිගැනීම, පහසුකම් හා සේවාවන් ආදිය ගැන සිසුන්ට අමුතුවෙන් සොයා බැලීමට අවශ්‍ය වන්නේ නෑ. ලංකාවේ රාජ්‍ය විශ්වවිද්‍යාලවල එම කරුණු ඉතාම හොදින් පවතිනවා. නමුත් පුද්ගලික විශ්වවිද්‍යාලයක් තෝරාගැනීමේ දී මෙම කරුණු සැලකිල්ලෙන් අධ්‍යයනය කර, සුදුසුම ආයතනය තෝරාගත යුතු වෙනවා. විශේෂයෙන් ම, අධ්‍යයන කටයුතුවල තත්වය, කථිකාචාර්යවරුන් සහ අධ්‍යයන පරිසරය ගැන සොයා බැලිය යුතු වෙනවා.

මේ විදියට තමන්ට යන්න පුළුවන් ලංකාවේ ඉතාම හොඳ පුද්ගලික විශ්වවිද්‍යාල කිහිපයක විස්තර තමයි මේ.

විශ්වවිද්‍යාල ප්‍රතිපානය කොමිෂම සහ උසස් අධ්‍යාපන අමාත්‍යාංශය පිළිගත් උපාධි ලබාදෙන ආයතන -

1) Sri Lanka Institute of Information technology (SLIIT)

2) Sri Lanka Institute of Development Administration

3) National Institute of Fisheries and Nautical Engineering

4) National Institute of Social Development

5) National Institute of Business Management (NIBM)

6) South Asian Institute of Technology and Medicine (Pvt) Ltd. (SAITM)

7) National School of Business Management Limited (NSBM)

8) Colombo International Nautical and Engineering College (CINEC)

9) Sri Lanka International Buddhist Academy

10) The Institute of Chartered Accountants of Sri Lanka (CA)

11) SANASA Campus Limited

12) Horizon Campus

13) KAATSU Highly Advanced Medical Technology Training Centre(Pvt) Ltd

14) Nagananda International Institute for Buddhist Studies (pvt) Ltd

15) Aquinas College of Higher Studies

16) Institute of Technological Studies

17) SLT Campus (Pvt) Ltd

18) Saegis Campus (Pvt) Ltd

19) British Computer Society (BCS)

20) Sri Lanka Institute of Architects (SLIA)

මේ සම්බන්ධව වැඩි විස්තර මෙම වෙබ් අඩවියෙන් ලබාගත හැකිය.
http://www.ugc.ac.lk/en/universities-and-institutes/other-recognized-degrees.html

මීට අමතරව, තොරතුරු තාක්ෂණ ක්ෂේත්‍රය හා සම්බන්ධ, රැකියා වෙළඳපොලේ පිළිගත් උපාධි ලබාදෙන ආයතන -

1) Informatics Institute of Technology (IIT)

2) International College of Business & Technology (ICBT)

3) Asia Pacific Institute Of Information Technology (APIIT)

ඉහත සඳහන් කළ සියලුම ආයතනවල ඇති සියලු උපාධි, ඒවා හැදෑරීමට අවශ්‍ය අවම සුදුසුකම්, කාල සීමාව, ගාස්තු සහ අනෙකුත් විස්තර එම විශ්වවිද්‍යාල සහ ආයතනවල වෙබ් අඩවිවල අඩංගු වෙනවා. Google හි එම විශ්වවිද්‍යාලවල නම සෙවුමක් සිදුකර පහසුවෙන් ඒ විස්තර බලාගන්න පුළුවන්.

ඊලඟ කාරණය මේ පුද්ගලික විශ්වවිද්‍යාලවලට ඇති පිළිගැනීම. තොරතුරු තාක්ෂණ ක්ෂේත්‍රය ඇසුරින් නම් පහසුවෙන් ම කියන්න පුළුවන් ඉහත සඳහන් කළ, තොරතුරු තාක්ෂණයට සම්බන්ධ සියලුම ආයතනවලට හොඳ පිළිගැනීමක් තිබෙනවා. මා රැකියාව කරන ආයතනයේ සහ ක්ෂේත්‍රෙය් මට ඇති අත්දැකීම් අනුව මට කියන්න පුළුවන්, හරියට ක්ෂේත්‍රය ගැන දැනගෙන ඉගෙනගෙන එන ඕනෙම කෙනෙක්ට ආයතනවල දොර විවෘත වෙනවා. මෙතැන දී පුද්ගලික විශ්වවිද්‍යාලවල සිසුන් සම්බන්ධව ඇති එකම කාරණය නම්, රාජ්‍ය විශ්වවිද්‍යාලවලින් පිටවන සිසුන් සමග කරට කර සිටීමට නම්, වැඩි උනන්දුවකින්, වැඩි මහන්සියකින්, නිවැරදිව සහ කාලීන ලෙස උපාධිය නිම කිරීමට සිදු වෙනවා. එවිට ඉහත කී ශ්‍රේණිගතකිරීම් වැනි කරුණු රැකියාවේ දී බොහෝ විට අදාල වන්නේ නෑ. මා රැකියාව කරන ආයතනය ඇතුළුව ලංකාවේ තොරතුරු තාක්ෂණය සම්බන්ධ ආයතන බොහොමයක SLIIT, IIT, NSBM, NIBM, APIIT, ICBT යන ආයතනවලින් පිටවූ අය සිටිනවා. ඇතැමුන් ඉහල නිළතල දරන අය.

අවසාන වශයෙන් කියන්නේ කාලය ඉතා වටිනා සාධකයන් බැවින් නිසි කල දී තමන්ගේ ඉලක්කය කරා යන්න උත්සාහා කරන්න කියන එකයි. ඒකට ඇතැම් පිරිසකට තිබෙන හොඳම අවස්ථාව රාජ්‍ය විශ්වවිද්‍යාල වන අතර ඇතැම් පිරිසකට තිබෙන හොඳම අවස්ථාව පුද්ගලික විශ්වවිද්‍යාල යි. විශ්වවිද්‍යාල තබා අකුරක්වත් ඉගෙනගෙන නැති කෝටිපති ව්‍යාපාරිකයෝ ලංකාවේ නැතුවා නොවේ. ධම්මික පෙරේරා මහතා වරක් පැවසූ අයුරින්, නිසි අධ්‍යාපනයක් ලද දරුවෙකු කිසිදාක දුප්පතෙකු කිරීමට නොහැකිය. ඒ නිසා කෝටිපතියෙකු වීමට පෙර දුප්පතෙකු නොවීමට වගබලාගන්න.

ඉහත ආයතන සංසන්දනයක් පොදුවේ සිදුකළ නොහැක. ඒ පිළිබඳව සහ වැඩි විස්තර අවශ්‍ය අය Message එක්ක දාන්න. විරුද්ධ මත තියන අය ඕනතරම් ඉන්න පුළුවන්. ඒ නිසා සංවාදයට විවෘතයි! ඊලඟ ලිපියෙන් හමුවෙමු...
POST BY : Prasad Srimal
]]><![CDATA[IT වලින් ජොබ් තියනවද? ඒවයේ Salary කොහොමද?]]>Mon, 13 Jan 2020 16:28:16 GMThttps://blog.egenuma.com/blog/it-jobs-and-salary-in-sri-lanka
Picture
IT වලින් ජොබ් තියනවද? ඒවයේ Salary කොහොමද? මේ ප්‍රශ්න දෙකට උත්තර දෙන්න හිතුවා මේ සටහනින්.
මුලින්ම ජොබ් එහෙමත් නැත්නම් රැකියා අවස්ථා ගැන බලමු. තොරතුරු තාක්ෂණ ක්ෂේත්‍රය ගත්තම ලංකාව කියන්නේ ලෝකයේ ඉහලින් ම ඉන්න රටක්. මේක ගොඩක් අය විශ්වාස කරන එකක් නෑ,
නමුත් ලංකාව තොරතුරු තාක්ෂණයෙන් සහ තාක්ෂණික දැනුමෙන් ලෝකයේ ඉදිරියෙන් ම ඉන්න රටක් බව Google Summer of Code, IEEE වැනි ලෝකයේ ප්‍රමුඛතම ආයතන මගින් පැවැත්වූ තරග බොහෝමයක දී ප්‍රථම ස්ථාන ඇතුළුව ඉහළ ම ස්ථාන ලබාගෙන ඔප්පු කර තියෙනවා. ඒ නිසා වර්තමානය වන විට තොරතුරු තාක්ෂණික දැනුමින් ලංකාව වට්ටන්න ලේසි නෑ...
තොරතුරු තාක්ෂණයට සම්බන්ධ ආයතන ගෙන බැලුවම රාජ්‍ය සහ පෞද්ගලික යන අංශ දෙකෙන්ම විශාල ආයතන ප්‍රමාණයක් රැකියා අවස්ථා ලබා දෙනවා. වසරකට මෙතරම් ප්‍රමාණයක් කියා කියන්න අපහසු වුණත් වර්තමානයේ රැකියා වෙළඳපොලේ රැකියා අවස්ථා වැඩිම රැකියා අතරින් එකක් ලෙස තොරතුරු තාක්ෂණය පසුවෙනවා. සරලවම කියනවා නම් ලංකාවේ විශ්වවිද්‍යාලයකින් පිටවෙලා තොරතුරු තාක්ෂණ ක්ෂේත්‍රෙය් රැකියාවක් කිරීමට බලාපොරොත්තු වෙන කෙනෙක්ට නම් රැකියාව ප්‍රමාද වෙන්නේ ඉතාම කලාතුරකින්. මේ කාලයට වෙනකොට ඒ තරම් ලොකු ඉල්ලුමක් තොරතුරු තාක්ෂණයට තියෙනවා. විශ්වවිද්‍යාල නොගොස් මේ රැකියාවලට එන්න ක්‍රමවේද තියෙනවා ඒවා ගැන වෙනම සටහනක් පසුව ගෙන එන්නම්.
තොරතුරු තාක්ෂණ ක්ෂේත්‍රෙය් උපාධියක් රැගෙන පැමිණෙන ඕනෑම කෙනෙක් පොදුවේ මෘදුකාංග ඉංජිනේරුවරයෙක් (Software Engineer) කියා හැඳින්වූවාට, තොරතුරු තාක්ෂණය හා සම්බන්ධ එකම රැකියාව මෘදුකාංග ඉංජිනේරු නෙමෙයි. පහත දැක්වෙන්නේ තොරතුරු තාක්ෂණය හා සම්බන්ධ රැකියා වර්ග
Software Engineer
Quality Assurance Engineer
Business Analyst
DevOps Engineer
UI/UX Engineer
Network Engineer
Database Administrator
Data Science Engineer
ඉහත රැකියා වර්ග ගැන වෙන වෙනම විස්තර කරන්න වෙනම ලිපියක් ලියන්න වෙනවා. ඒක පසුවට තියමු. දැන් මාතෘකාව මේවායින් යන්න පුළුවන් ආයතන සහ වැටුප්!
ඉහත රැකියා වර්ග අතරින් බොහෝ දෙනෙක් තෝරාගන්නේ Software Engineer සහ Quality Assurance Engineer. විශ්වවිද්‍යාලයෙන් එලියට එනකොට මේ අතරින් එක් රැකියා වර්ගයක් තෝරාගෙන ක්ෂේත්‍රයට බහිනකොට තමන් දැනගත යුතුයි තමාගේ රැකියා වර්ගයට අයත් ඉල්ලුම කොහොමද කියලා.... වර්තමානයේ බොහෝමයක් ආයතනවල මේ සෑම වර්ගයකටම ඉල්ලුම තියෙනවා. මොකද මෘදුකාංග ඉංජිනේරු ආයතනයක් හරියාකාරයෙන් පවත්වාගෙන යන්න නම් මේ හැම වර්ගයේම සේවකයින් සිටීම අත්‍යාවශ්‍ය වෙනවා. නමුත් ඒ අතරින් වඩාත් ම ඉල්ලුම තිබෙන්නේ Software Engineer සහ Quality Assurance වර්ග දෙකට.
දැන් කියන්නම් ඉහත රැකියාවර්ගවලින් යන්න පුළුවන් ලංකාවේ තොරතුරු තාක්ෂණයට සම්බන්ධ ආයතන කිහිපයක නම්. මේ නම් Google search කරලා ඒ ආයතන ගැන වැඩිදුර තොරතුරු හොයාගන්න පුළුවන්.
99x Technologies, WSO2, Virtusa, MIT, Sysco Labs, CodeGen, IFS, Embla, Incubate Labs, Omobio, Arimac, Calcey, DirectFN, Gapstars, Crowderia Sampath Bank, Commercial Bank, Bank of Ceylon, Ceylon Electricity Board, Ceylon Water Board
මේ ආයතන ඇතුළුව තොරතුරු තාක්ෂණයට සම්බන්ධ ආයතන 300ක් පමණ වර්තමානය වන විට ලංකාව තුළ පිහිටුවා තිබෙනවා. ඒ සෑම ආයතනයකින් ම ඉහත සඳහන් තොරතුරු තාක්ෂණ රැකියා වර්ග සෑම එකකින් ම නවකයින් බඳවාගනු ලබනවා.
දැන් කියන්නම් වැටුප් ගැන. තොරතුරු තාක්ෂණ ක්ෂේත්‍රය කියන්නේ ලංකාව තුළ ඉහල ම වැටුප් ප්‍රමාණයක් හිමිවන ක්ෂේත්‍රයක්. හරියටම මෙතෙක් යැයි කීමට නොහැකි වුණත්, විශ්වවිද්‍යාලකින් අලුතින් පිටවූ සිසුවෙකු ඉහත සඳහන් ආයතනයක් හෝ වෙනත් තොරතුරු තාක්ෂණ ආයතනයකට යන විට ආසන්න වශයෙන් රු. 100,000/- වැටුපක් හිමිවෙනවා. මෙය ආයතනයෙන් ආයතනයට වගේම සිසුවාගේ දක්ෂතාවන් හා විශ්වවිද්‍යාලයේ ලකුණු මත වෙනස් වෙනවා. පරාසයක් ලෙස කියනවා නම් ආරම්භක වැටුප ආසන්න වශයෙන්
Software Engineer : 75,000 - 140,000
Quality Assurance : 50,000 - 100,000
සහ අනෙක් රැකියා වර්ග : 50,000 - 90,000
ලෙස දක්වන්න පුළුවන්. ඒ වගේම මේවා කාලයත් සමග බොහෝ සෙයින් වෙනස් වෙනවා.
තවදුරටත් විස්තර දැනගන්න ඕනේ නම් Message එකක් එවන්න.
​ඊලඟ ලිපියෙන් හමුවෙමු!


POST BY : Prasad Srimal
]]><![CDATA[උසස් පෙල නැතුව කරන්න පුලුවන් ලංකාවේ IT උපාධි පාඨමාලා]]>Sat, 11 Jan 2020 17:39:36 GMThttps://blog.egenuma.com/blog/sri-lanka-degree-courses
Picture
අපි හැමෝම A/L හොඳ Ranks අරගෙන විශ්වවිද්‍යාලයක උසස් අධ්‍යාපනය හදාරන්න හීන මවමින් හිටියට අපි හැමෝටම ඒ අවස්ථාව ලැබෙන්නේ නෑනේ. ඒත් ඒකෙන් කියැවෙන්නේ නෑ එහෙම අයට තමන්ගේ ඉලක්කයට යන්න බෑ කියලා. උසස් පෙළ කඩඉමෙන් ඒ ඉලක්කයට යන්න අවස්ථාවක් ලැබෙන්නේ නෑති අයට තමන්ගේ ඉලක්කයට යන්න අවස්ථාවක් ලබාදෙන,
ලංකාවේ තොරතුරු තාක්ෂණයට සම්බන්ධ බාහිර උපාධි සහ ඩිප්ලෝමා ලබා දෙන ආයතන තුනක පාඨමාලා ගැන තමයි මේ විස්තරය. මෙයින් විස්තර කරන්න යන්නේ කොළඹ විශ්වවිද්‍යාලයේ සහ මොරටුව විශ්වවිද්‍යාලයේ BIT (Bachelor of Information Technology), ශ්‍රී ලංකා උසස් තාක්ෂණ අධ්‍යාපන ආයතනයේ (SLIATE) HNDIT (Higher National Dipoloma in IT) සහ ශ්‍රී ලංකා විවෘත විශ්වවිද්‍යාලයේ BSE (Bachelor of Software Engineering) යන පාඨමාලා තුන ගැන.
Colombo / Moratuwa - BIT

කොළඹ විශ්වවිද්‍යාලයට අනුබද්ධිත UCSC ආයතනය මගින් පිරිනමන BIT කියන්නේ වසර තුනක තොරතුරු තාක්ෂණ උපාධියක්. මේ උපාධියම මොරටුව විශ්වවිද්‍යාලයේ තොරතුරු තාක්ෂණ පීඨයෙනුත් ලබා දෙනවා. මෙහි විශේෂත්වය වෙන්නේ උසස් පෙළ කර නොමැති සිසුන් හට වුණත් උපාධි හැදැරීමට අවස්ථාව ලබා දෙන එකයි. ඒ සඳහා මොවුන් බඳවා ගැනීමේ දී Foundation Course එකක් ලබා දී ඉන් පසුව උපාධියට බඳවා ගන්නවා. උසස් පෙළ සමත් වී පැමිණෙන සිසුන්ට මෙම Foundation Course එක අත්හරින්න පුළුවන්.
මෙම උපාධියේ දී එක් එක් වසර සම්පූර්ණ වෙනකොට එක් එක් අධ්‍යාපන සුදුසුකම් අවස්ථා පසු කරනවා. ඒ කියන්නේ BIT පළවෙනි අවුරුද්ද ඉවර කළාම Diploma Level එක සම්පූර්ණ වෙනවා. දෙවෙනි අවුරුද්ද ඉවර කළාම Higher Diploma Level එක සම්පූර්ණ වෙනවා. තුන්වෙනි අවුරුද්ද ඉවර කළාම තොරතුරු තාක්ෂණවේදී (Bachelor of Information Technology) උපාධිය සම්පූර්ණ වෙනවා
කාල සීමාව - වසර තුනයි

මාධ්‍යය - ඉංග්‍රීසි

ඇතුළත් වීමට අවම සුදුසුකම් -

උසස් පෙළ ඕනෑම විෂය ධාරාවකින් විෂයන් තුනක් සමත් වීම හෝ උසස් පෙළ නොමැති සිසුන් හට Foundation Course සම්පූර්ණ කර සිටීම හෝ අදාළ නිළධාරීන් අනුමත කරන වෙනස් අධ්‍යාපන සුදුසුකමක්.
ඊට අමතරව සාමාන්‍ය පෙළ ගණිතය හා ඉංග්‍රීසි ඇතුළුව විෂයන් තුනකට C සාමාර්ථ ඇතුළුව විෂයන් හයක් සමත් වී තිබීම ද අවශ්‍ය වෙනවා.

වැය වන අවම මුදල -

වසර තුන සඳහා ම විභාග, වාර්ෂික ගාස්තු හා වෙනත් ගාස්තු ලෙස ආසන්න වශයෙන් රු. 70,000/- විශ්වවිද්‍යාලය සඳහා ගෙවීමට සිදු වෙනවා. ඊට අමතරව විෂය කරුණු සඳහා යන පංති සඳහා ආසන්න වශයෙන් රු. 300,000/- ක මුදලක් වැය වෙනවා.

වැඩි විස්තර - http://www.bit.lk/
විවෘත විශ්වවිද්‍යාලයේ BSE

මෙය විවෘත විශ්වවිද්‍යාලය මගින් ලබාදෙන සිව් අවුරුදු තොරතුරු තාක්ෂණ ගෞරව උපාධියක්. බාහිර උපාධියක් වශයෙන් ගත්තම මෙය ඉතාම හොඳ තත්වයේ උපාධියක් වෙනවා. සිව් අවුරුදු ගෞරව උපාධියක වැදගත්කම මම Moratuwa IT, Colombo CS ලිපියේ සඳහන් කළා.
කෙසේ වෙතත් සිසුන්ගේ කැමැත්ත පරිදි තමන්ට අවුරුදු තුනෙන් උපාධිය අරන් ඉවත් වෙන්නත් මෙහි දී පුළුවන්. මෙහි දී ලැබෙන්නේ මෘදුකාංග ඉංජිනේරුවේදී ගෞරව උපාධියයි (Bachelor of Software Engineering honors).

කාල සීමාව - වසර හතරයි

මාධ්‍යය - ඉංග්‍රීසි

ඇතුළත් වීමට අවම සුදුසුකම් -

උසස් පෙළ ඕනෑම විෂය ධාරාවකින් විෂයන් තුනක් සමත් වීම හෝ උසස් පෙළ නොමැති සිසුන් හට Foundation Course සම්පූර්ණ කර සිටීම හෝ අදාළ නිළධාරීන් අනුමත කරන වෙනස් අධ්‍යාපන සුදුසුකමක්.

වැය වන අවම මුදල -

වසර හතර සඳහා ම ආසන්න වශයෙන් රු. 440,000/-

වැඩි විස්තර - http://www.ou.ac.lk/home/index.php/ousl/faculties-institutes/engineering-technology/office-of-the-dean/pragrammes/601-bachelor-of-software-engineering-2
ශ්‍රී ලංකා උසස් තාක්ෂණ අධ්‍යාපන ආයතනයේ (SLIATE) HNDIT

මේක නම් උපාධියක් නෙමෙයි. HNDIT කියන්නේ තොරතුරු තාක්ෂණ උසස් ජාතික ඩිප්ලෝමාව. මෙය ලබා දෙන්නේ උසස් අධ්‍යාපන අමාත්‍යාංශය යටතේ තිබෙන ශ්‍රී ලංකා උසස් තාක්ෂණ අධ්‍යාපන ආයතනය (SLIATE) මගින්. ඒ නිසා තොරතුරු තාක්ෂණ ඩිප්ලෝමාවක් හැටියට ඉතාම හොඳ පිලිගැනීමක් තියෙන ඩිප්ලෝමාවක්. මෙය ඩිප්ලෝමාවක් වුණත් මෙය හදාරා අවසන් වූ පසු උපාධියක් සඳහා දීර්ඝ කරන්න පුළුවන්. තොරතුරු තාක්ෂණ පශ්චාත් උපාධියක් (Master in Science - MSc) ලබා ගැනීමට සුදුසුකමක් විදියට මේ ඩිප්ලෝමාව සලකන්න පුළුවන්. අඩු කාලයකින් ඉගෙනීම අවසන් කරලා ඉක්මනින් රැකියාවකට යන්න හිතන කෙනෙක්ටත් මේ HNDIT ඉතාම හොඳයි.හැබැයි මේකට යන්න නම් උසස් පෙළ අවම සුදුසුකම වන විෂයන් තුනටම S සාමාර්ථ අරගන්න වෙනවා.

කාල සීමාව - වසර දෙකහමාරයි

මාධ්‍යය - ඉංග්‍රීසි

ඇතුළත් වීමට අවම සුදුසුකම් -

උසස් පෙළ ඕනෑම විෂය ධාරාවකින් විෂයන් තුනක් සමත් වීම සහ සාමාන්‍ය පෙළ ගණිතය සහ ඉංග්‍රීසි සමත් වී තිබීම

වැය වන අවම මුදල -

වසර දෙකහමාර සඳහා ආසන්න වශයෙන් රු. 60,000/-

වැඩි විස්තර - http://www.sliate.ac.lk/information-technology#conducted-at
ඉහත සඳහන් කළ පාඨමාලා තුනෙන් ඕනෑම එකක් අවසන් කළාට පස්සේ රැකියාවකට ගිහින් අවුරුදු දෙකක පමණ වෘතීය අත්දැකීම් අරගෙන තොරතුරු තාක්ෂණ පශ්චාත් උපාධියක් (Master in Science - MSc) සඳහා රාජ්‍ය විශ්වවිද්‍යාලයක (උදා - මොරටුව විශ්වවිද්‍යාලය) ලියාපදිංචි වෙන්න පුළුවන්. ඒ වගේම එක් එක් පාඨමාලාවට අදාළ මුදල සොයාගැනීමට අපහසු සිසුන්ට එම මුදල ලබාදීමට විශාල වශයෙන් ශිෂ්‍යත්ව එම ආයතන තුළ ම තියෙනවා. අවසානයේ වැදගත් වෙන්නේ තමන් මොන තරම් දක්ෂ මෘදුකාංග ඉංජිනේරුවරයෙක් විදියට එලියට එනවද කියන එකයි. තමන්ගේ දක්ෂතාවය අනුව මම තොරතුරු තාක්ෂණ රැකියා ලිපියේ සඳහන් කළ ඕනෑම රැකියාවකට ඒ වැටුප් ප්‍රමාණවලටම මෙමගින් යන්න අවස්ථාව ලැබෙනවා. මම මොරටුව විශ්වවිද්‍යාලයේ තොරතුරු තාක්ෂණ පීඨයෙන් එලියට ඇවිත් Software Engineer කෙනෙක් විදියට Software Engineering Company එකක රැකියාව කරනවා. ඒ ආයතනයේ සේවක පිරිසෙන් 30% ක් පමණ BIT, SLIIT, HNDIT හරහා පැමිණි මෘදුකාංග ඉංජිනේරුවන්. ඒ නිසා මේ බාහිර උපාධිවල තියෙන වටිනාකම ගැන අවතක්සෙරුවෙන් හිතන්න එපා!

ඊලඟ ලිපියෙන් හමුවෙමු!
POST BY : Prasad Srimal
]]><![CDATA[විශ්වවිද්‍යාලයක උපාධි පාඨමාලාවක පිළිගැනීම මැනගන්නේ කොහොමද?]]>Fri, 10 Jan 2020 12:30:28 GMThttps://blog.egenuma.com/blog/university-recognition-in-srilanka
Picture
මේ කියන්න යන්නේ මේ කාලේ උසස් පෙළ ළමුන් නිතරම අවධානයෙන් පසුවෙන, නමුත් නිවැරදි අවබෝධයක් අඩු කාරණයක් ගැන. ඇත්තටම කොහොමද අපි විශ්වවිද්‍යාලයක උපාධි පාඨමාලාවක පිළිගැනීම මැනගන්නේ? එහෙමත් නැත්නම් උපාධියේ පිළිගැනීම අනුව කොහොමද උපාධි පාඨමාලා පෙළගස්වන්නේ? අද මේ කාරණය ගැන බලමු
මුලින්ම බලමු මොකක්ද උපාධි පාඨමාලාවක පිළිගැනීම කියන්නේ කියලා. උපාධි පාඨමාලාවක පිළිගැනීම කියන්නේ යම්කිසි උපාධි පාඨමාලාවකට, එම උපාධි පාඨමාලාව අයත් ක්ෂේත්‍රයේ ආයතනවලින්, එම ක්ෂේත්‍රයේ නොවන ආයතනවලින්, රාජ්‍ය දෙපාර්තමේන්තු සහ ආයතනවලින්, වෙනත් විශ්වවිද්‍යාලවලින් සහ විදේශ රටවලින් ලබාදෙන මූලිකත්වයට. එතකොට උපාධියේ පිළිගැනීම වැඩි නම් ඉහල මූලිකත්වයකින් රැකියාවකට, උසස් අධ්‍යාපනය සඳහා වෙනත් විශ්වවිද්‍යාලයකට හෝ විදේශ රටකට යාමට අවස්ථාව ලැබෙනවා වගේම පිළිගැනීම අඩුයි නම් අඩු මූලිකත්වයක් තමයි හිමිවෙන්නේ.
ඊලග කාරණය තමයි කොහොමද උපාධි පාඨමාලාවක පිළිගැනීම මැනගන්නේ කියන එක. මේකෙදි මුලින්ම කියන්න ඕනේ කාරණය තමයි බොහෝ අය හිතන් ඉන්න පරිදි උසස් පෙළ Z Score එක හෝ Cutoff Mark එකෙන් නම් නෙමෙයි උපාධියක පිළිගැනීම මනින්නේ! A/L Z Score කියන්නේ බොහෝ සාධක මත රඳාපවතින අගයක්. ඒක එක් එක් අවුරුද්දේ උසස් පෙළට පෙනී සිටින ළමුන් ගණන, සමත් වෙන ළමුන් ගණන, එක් එක් විෂයේ ප්‍රතිඵලවල ප්‍රමත ව්‍යාප්තිය, විවිධ උපාධි පාඨමාලාවලට ළමුන් ඉල්ලුම් කර ඇති ප්‍රමාණය වගේම යෝග්‍යතා පරීක්ෂණ ලෙස සාධක ගණනාවක් ඒ අතර වෙනවා. 
ඒ නිසා ඒකට උපාධි පාඨමාලාවල පිළිගැනීමත් එක්ක සෘජු සම්බන්ධතාවක් නැහැ. නමුත් වක්‍ර සම්බන්ධතාවක් තියෙනවා. ළමුන් වැඩිපුර ඉල්ලුම් කරන්නේ සමාජය විසින් පිළිගත් ලෙස සලකන උපාධි පාඨමාලා කිහිපයකටයි. එවිට ඉබේටම ඒ උපාධි පාඨමාලාවල Z අගය වැඩිවෙලා අනෙක් උපාධි පාඨමාලාවල Z අගය අඩු වෙනවා. නමුත් එය සෑමවිටම හෝ අනිවාර්යෙන්ම සිදුවන දෙයක් කියන්න බෑ.
සැබෑවටම උපාධි පාඨමාලාවක පිළිගැනීම රඳාපවතින්නේ මෙන්න මේ කාරණා මතයි. පළවෙනිම දේ උපාධි පාඨමාලාවේ අන්තර්ගතය. එහෙමත් නැත්නම් විෂය නිර්දේශය. ඒක කාලානුරූපව යාවත්කාලීන වෙලා තියෙන්න ඕනේ වගේම Industry එකට හැඩගැහෙන්න අවශ්‍ය දේ එහි තියෙන්න ඕනේ. විශේෂයෙන්ම Industry එක ඉලක්ක කරගත් අන්තර්ගතයක් තියෙනවා නම් ඒක ගොඩක් හොඳයි. ඊලග කාරණය ව්‍යාපෘති සහ සමීක්ෂණ සිදුකිරීමට ඇති පහසු කම් සහ කාලය. බොහෝ දුරට විශ්වවිද්‍යාලයකින් ලබා ගන්නා උපාධි පාඨමාලාවක දැනුම බාහිර ලෝකයට යෙදිය හැකි ආකාරය ගැන වගේම එයින් ගමන් කළ හැකි නව තාක්ෂණ සොයාගන්නේ තනිව හෝ කණ්ඩායම් වශයෙන් සිදුකරන ව්‍යාපෘති මගින් සහ සමීක්ෂණ මගින්. ඒවා සිදු කිරීමට කාලය වැය කළ නොහැකි උපාධි පාඨමාලාවක් නම් එය පිළිගත් එකක් වීමට ඇති හැකියාව අඩුයි. ඊලඟ කාරණය බාහිර ක්‍රීඩා කටයුතු වැනි දේ සහ විවිධ සමාජ සංවිධාන සමග සම්බන්ධ වීමේ ඇති හැකියාව. පුද්ගලයෙක් නිකම්ම උපාධියක් අරන් එලියට ආවට ඔහුව කැපී පෙනෙන්නේ නෑ. මොකද ඔහු වගේම දහස් ගණනක් විශ්වවිද්‍යාලයෙන් උපාධිය අරගෙන එලියට එනවා. ඒ අතරින් නිවැරදි ලෙස කැපී පෙනීමට විවිධ ක්‍රීඩා සහ බාහිර ක්‍රියාකාරකම් වගේම IEEE Students branches, AIESEC වැනි සමාජ සංවිධානවල කටයුතු කිරීම වැදගත් වෙනවා. ලංකාවේ විශ්වවිද්‍යාලයක් කියන්නේ අධ්‍යයන කටයුතු වගේම ක්‍රීඩා කටයුතුත් බොහොම ඉහලින් සිදුවන තැනක්. Industry එකට ඕන කරන්නෙත් පොතේ දැනුමට පමණක් සීමා නොවුණු, තාර්කික බුද්ධිමත් පුද්ගලයෙක්. මේ කරුණුවලට අමතරව, විශ්වවිද්‍යාලයේ වර්තමාන ශ්‍රේණිගතකිරීමත් තරමක් දුරට වැදගත් සාධකයක් වෙනවා අදාල උපාධි පාඨමාලාවේ පිළිගැනීම සලකා බැලීමට.

සමාජයේ විවිධ මත තියෙනවා “අර කැම්පස් එක හොඳයි, මේ කැම්පස් එක හොඳ නෑ, ජොබ් නෑ, ජොබ් හොයාගනිද්දි නාකි වෙනවා“ වගේ දේවල්. ඒවා හරි වෙන්නත් පුළුවන් වගේම වැරදි වෙන්නත් පුළුවන්. තර්කානුකූලව හරි හෝ වැරදි කියන්න පුළුවන් සාධක නෙමෙයි ඒවා. ඒ නිසා තවදුරටත් සමාජයේ පිළිගැනීම තියෙන උපාධි නෙමෙයි, මම ඉහත කිව්වා වගේ Industry සහ වෙනත් විශ්වවිද්‍යාල සහ විදේශ රටවලින් පිළිගැනීම ඇති උපාධි පාඨමාලා ගැන, මම ඉහතින් කිව්ව සාධක හැකිතාක් සොයාබලා වටහාගන්න කියලා කියා සිටිනවා. ඒ කරුණු හොයාගන්න අද කාලේ හරිම ලේසියි ඕන තරම් ක්‍රම තියනවා. ළමුන් ඒවා නිවැරදි ලෙස භාවිත කිරීමයි අවශ්‍ය වෙන්නේ.

තවත් ප්‍රශ්න තිබේ නම් Comment එක්ක දාන්න. නැවතත් ලිපියකින් හමුවෙමු!
POST BY : Prasad Srimal‎​
]]><![CDATA[මොරටුව IT ද?කොළඹ CS ද?]]>Tue, 07 Jan 2020 04:25:45 GMThttps://blog.egenuma.com/blog/moratuwa-it-and-colombo-cs
Picture
පළවෙනි Article එක විදියට ගොඩක් දෙනෙක්ට තියන ලොකුම ප්‍රශ්නයකට පිළිතුරක් දෙන්න හිතුවා. මේ ප්‍රශ්නය ඇතිවෙන්න පුළුවන් මේ A/L විෂය ධාරාවන් දෙකෙන් එකක් කරපු කෙනෙක්ට විතරයි. ඒ තමයි ගණිත විෂය ධාරාව සහ පොදු විෂය ධාරාව ඒ කියන්නේ Maths එක්ක ICT. 
මේ විෂය ධාරාවන් දෙකෙන් උසස් පෙළ කරන අයට තොරතුරු තාක්ෂණ ක්ෂේත්‍රෙය් යන්න පුළුවන් හොඳම උපාධි පාඨමාලා දෙකක් තමයි මොරටුව විශ්වවිද්‍යාලය මගින් පිරිනමන තොරතුරු තාක්ෂණ උපාධිය සහ කොළඹ විශ්වවිද්‍යාලයීය පරිගණක අධ්‍යයන අංශය (University of Colombo School of Computing - UCSC) මගින් පිරිනමන පරිගණක විද්‍යා උපාධිය.

හරියටම කියනවා නම් මොරටුව විශ්වවිද්‍යාලයේ තොරතුරු තාක්ෂණ පීඨය මගින් පිරිනමන මේ කියන උපාධියේ නම විද්‍යාවේදී තොරතුරු තාක්ෂණ ගෞරව උපාධිය (Bachelor of Science in Information Technology - honors) හෙවත් BSc.IT(hons). UCSC මගින් පරිගණක විද්‍යාවට අදාලව උපාධි තුනක් පිරිනමනවා. ඒවා නම් විද්‍යාවේදී පරිගණක විද්‍යා උපාධිය (Bachelor of Science in Computer Science) හෙවත් BSc.CS, විද්‍යාවේදී පරිගණක විද්‍යා ගෞරව උපාධිය (Bachelor of Science in Computer Science - honors) හෙවත් BSc.CS(hons) සහ විද්‍යාවේදී මෘදුකාංග ඉංජිනේරු ගෞරව උපාධිය (Bachelor of Science in Software Engineering - honors) හෙවත් BSc.SE(hons).
ඒවා අතර වෙනස්කම් මෙහෙමයි.
මොරටුව විශ්වවිද්‍යාලයේ BSc.IT(hons) උපාධිය හැමෝටම අනිවාර්යෙන් අවුරුදු 4ක් කරන්න තියෙනවා. out වෙන හැමෝම සිව් අවුරුදු ගෞරව උපාධියක් අරගෙන තමයි Out වෙන්නේ.
UCSC CS වලදි තුන්වෙනි වසරේ හොඳම ලකුණු ගත් සහ හොඳම ලකුණු ගත් අය අතුරින් තමන්ගේ කැමැත්ත අනුව තෝරාගත් ළමුන් 40ක පමණ පිරිසකට තමයි සිව් අවුරුදු ගෞරව උපාධි දෙක වන BSc.CS(hons) සහ BSc.SE(hons) දෙකෙන් එකක් හදාරන්න ලැබෙන්නේ. අනෙක් හැමෝටම තුන් අවුරුදු BSc.CS උපාධිය තමයි ලැබෙන්නේ.
එතකොට මොකක්ද සිව් අවුරුදු ගෞරව උපාධියක තියෙන විශේෂත්වය?
ඒක විශේෂ වෙන්නේ අවස්ථා කිහිපයක දී පමණයි. පළවෙනි එක විදේශ රැකියා. පිටරටක මෘදුකාංග ඉංජිනේරු ක්ෂේත්‍රයේ රැකියාවකට යන්න බලාපොරොත්තු වෙනවා නම් අනිවාර්යෙන්ම සිව් අවුරුදු ගෞරව උපාධියක් අවශ්‍ය වෙනවා. ඒ වගේම විශ්වවිද්‍යාල කථිකාචාර්ය හෝ වෙනත් තනතුරකට යොමුවීමේ අරමුණින් උසස් අධ්‍යාපනය හැදැරීමට බලාපොරොත්තු වෙනවා නම් අනිවාර්යෙන්ම සිව් අවුරුදු ගෞරව උපාධියක් අවශ්‍ය වෙනවා. ඊට අමතරව ඇතැම් රාජ්‍ය දෙපාර්තමේන්තුවලට බඳවා ගැනීමේ දී සහ ඇතැම් පෞද්ගලික ආයතනවලට බඳවා ගැනීමේ දී සිව් අවුරුදු ගෞරව උපාධියක් අවශ්‍ය වෙනවා. ඒ හැරුණුකොට බොහෝ රාජ්‍ය අංශයේ සහ පෞද්ගලික අංශයේ ආයතන මෙය එතරම් සලකා බලන්නේ නෑ.

ඒ කියන්නේ ඔයා රට යන්න අදහස් කරනවා නම් හරි උසස් අධ්‍යාපනය හදාරන්න හිතනවා නම් හරි අවුරුදු 4 ගෞරව උපාධියක් අරගන්න එක අනිවාර්ය වෙනවා. ඒ වගේම රැකියා සඳහාත් වඩා වාසිදායක වෙන නිසා අවුරුදු 4 ගෞරව උපාධියක් හදාරන්න බලාපොරොත්තු වෙනවා නම් සිසුන් සංඛ්‍යාවක් ලෙස ගත් කල වැඩි අවස්ථාවක් තියෙන්නේ මොරටුව විශ්වවිද්‍යාලයේ තොරතුරු තාක්ෂණ උපාධියෙන් එය ලබාගන්න එක. නමුත් එයින් අදහස් වෙන්නේ UCSC CS මගින් ඒ අවස්ථාව ඉතා අඩුයි කියන එක නෙමෙයි. තමන්ට විශ්වාසයක් තියෙනවා නම් පළමු 40 දෙනා අතරට ඇතුලත් වෙලා සිව් අවුරුදු උපාධිය ගන්න පුළුවන් කියලා, UCSC CS යන එක ඉතාම හොඳයි.

මේ දෙක අතර තියෙන සමානකම් මෙහෙමයි.
දෙකම පැවැත්වෙන්නේ ඉංග්‍රීසි මාධ්‍යෙයන්. ඒ වගේම දෙකම යෝග්‍යතා පරීක්ෂණ නොතියා තමයි සිසුන් බඳවා ගන්නේ.

රැකියා අවස්ථා මේ උපාධි වර්ග දෙකටම සමානයි. මේ දෙකෙන්ම සිසුවෙක් එලියට එන්නේ මෘදුකාංග ඉංජිනේරුවෙක් විදියට. මේ දෙකම ලංකාවේ ඕනෑම මෘදුකාංග ඉංජිනේරු, තොරතුරු තාක්ෂණ සහ සන්නිවේදන ආයතනයක් විසින් පිළිගනු ලබනවා. වර්තමානයේ බොහෝ ආයතනවල මේ දෙකෙන්ම පිටවුණු මෘදුකාංග ඉංජිනේරුවන් සම සමව සිටිනවා. ඒ සෑම තැනකම වැටුප් පවා මේ දෙකටම සමානයි. (රැකියා අවස්ථා සහ ඒවායේ වර්තමාන වැටුප් ගැන වෙනම ලිපියකින් විස්තර දෙන්නම්).

මේ විස්තරය අනුව දැන් තමන්ට මේ දෙකෙන් එකක් තෝරගන්න අවස්ථාව ලැබුණොත් මොකක්ද තෝරගන්නේ කියන එක පිළිබඳ අදහසක් ඇති. තවදුරටත් විස්තර ඕනේ නම් Comment එකක් හරි Message එකක් හරි එවන්න. ඊලඟ ලිපියෙන් හමුවෙමු!
POST BY : Prasad Srimal‎
]]><![CDATA[cut/copy/paste හි පියාගැන ඔබ දන්නවාද?]]>Sun, 05 Jan 2020 09:53:14 GMThttps://blog.egenuma.com/blog/cutcopypaste
cut/copy paste ක්‍රමය නොමැතිවූවානම් බොහෝ පරිඝණක වැඩසටහන් ඔබට දැනට පවතින තත්වයට වඩා අපහසු, අප්‍රසන්න සහ වෙලාව ගතවන ක්‍රියාවලියක් වනු ඇත.
Picture
මෙම ආකර්ෂනීය cut copy paste ක්‍රමය සොයා ගැනීමේ ගෞරවය හිමිවන්නේ ඇමරිකානු පරිඝණක විද්‍යාඥයකු වන Larry Teslerහටයි දශක 50 වැඩි කාලයක් තිස්සේ පරිඝණක ක්ෂේත්‍රයේ රැදී සිටින Larry Tesler, Xerox PARC, Apple, Amazon, සහ Yahoo! වැනි ලොව ප්‍රචලිත පරිඝණක සමාගම් රැසක ඉහල තනතුරු හොබවා තිබේ.
]]><![CDATA[පරිගණකයක් සෑදී ඇති මූලික කොටස් හදුනා ගැනීම - රැම් කාඩ්]]>Thu, 02 Jan 2020 18:11:31 GMThttps://blog.egenuma.com/blog/ram-card
මධ්‍යම සැකසුම් ඒකකයට කෙටි කාලයකට ඕනෑවන දත්ත සහ උපදෙස් තාවකාලිකව  රදවා ගන්නා පරිගණකයේ කෙටිකාලීන මතකය වන්නේ රැම් මතකය යි.මේ අනුව රැම් ප්‍රාථමික මතක උපාංගයකි.
පරිගණකය ක්‍රියා කිරීමට අවශ්‍ය මුලික උපාංගයක් ලෙසද මෙය හැදින්විය හැකිය.
මවුපුවරුවකට ප්‍රෝසෙසරය,විජිඒ කාඩ් එක සහ රැම්  සවි කර එයට පවර් සප්ලයි එක මගින් විදුලිය සපයා අනෙකුත් උපාංග සම්බන්ධ නොකර මන් කල හැකිය.
එවිට මොනිටරය මත මවුපුවරුවේ බයොස් වැඩසටහන දැක ගත හැකිය.හාඩ්  ඩිස්කය අවශ්‍ය වනුයේ මෙහෙයුම් පද්දතියක් ගබඩා කර තැබීමටයි.
                                                                                           රැම් එකෙහි කාර්ය වනුයේ  ප්‍රොසසරය වෙත යැවිය යුතු සහ ප්‍රොසෙසරයෙන් සකසා ගබා දෙන දත්ත හාඩ් ඩිස්ක වැනි ස්තිර මතක උපාංගයක ගබඩා කරන තෙක් මතක තබා ගැනීමයි .එනම් යම් පර්ගණක වැඩසටහනක් භාවිතා කරන විටදී එයට අදාල දත්ත සියල්ල හාඩ් ඩිස්කයෙන් කියවා රැම් එකෙහි මතකයට ගබා ගනී.
එසේම පරිගණකය ඔන් විමේදී මෙහෙයුම් පද්ධතිය සතු තොරතුරුද හාඩ් ඩිස්කයෙන් රැම් එක තුලට ලබා ගනී. එකම පරිගණකයකට වින්ඩෝස් 2000 හෝ එක්ස්පී යෙදු  විට වේගවත්ව හා වින්ඩෝස් 7 හෝ 8 යෙදු විට සෙමින් ක්‍රියා කරන්නේ එවිට රැම් එකෙන් වැඩි ඉඩ ප්‍රමාණයක් අයත් කර ගැනිම නිසායි.එසේම සංකීර්ණ ඩෙස්ටොප් තිම්ස් සහ වැඩි ධාරිතාවේ පික්චර් ෆයිල්ස් ඩෙස්ටොප් එකෙහි පසුබිමට යෙදු විටද ඒවා මගින් රැම් එකෙහි පසුබිමට යෙදු විටද ඒවා මගින් රැම් එකෙහි වැඩි ඉඩක් ලබා ගනී.එනිසා වෙනත් වැඩසටහන්වලට භාවිතා කිරීමට ඇති රැම් ඉඩ ප්‍රමාණය අඩු වී පරිගණකයේ වේගය අඩු වේ.රැම් මතකය නැතිව යන හෙවත් නශ්‍ය ගණයේය.එනම් පරිගණකය ඔන් කල විට දත්ත නැතිවී යයි.
රැම් කාඩ්ස් 
මවුපුවරුවේ විශේෂ සොකට්ටුවකට සම්බන්ධ කළ හැකි කුඩා පර්පථ පුවරුවක් සහිත මොඩියුල වශයෙන් රැම් ලබා ගත හැකිය.සාමාන්‍ය වහරේදි රැම් කාඩ්ස් කියා මේවා හදුන්වයි.මවුපුවරුවට රැම් කාඩ්ස් සවි වන්නේ රැම් ස්ලොට් ලෙස හදුන්වන කුහරවලිනි.මවුපුවරුවක රැම් ස්ලොට් දෙකක් තිබෙන අතර ඒවා A හා B ලෙස මවුපුවරුවෙහි උපදෙස් සදහන් පොතෙහි නම් කොට තිබේ.පරිගණකයකට එක් රැම් කාඩ් එකක් පමණක් භාවිතා කරන්නේ නම් එය අනිවාර්යයෙන්ම A නම් ලෙස සදහන් රැම් ස්ලොට් එකට සවි කළ යුතුය.
විවිධ වර්ගයේ රැම් කාඩ්
Picture
DIMM
Picture
SDR
Picture
DDR 1
Picture
SIMM
රැම් වේගය​
​රැම් කාඩ් එකිනෙකින් වෙනස් වනුයේ ඒවා සතු ක්‍රියාත්මක විමේ වේගයෙනි.එම වේගය රැම් ස්පීඩ් ලෙස හැදින්වේ.හාඩ් ඩිස්කයේ ඇති දත්ත කේබලය මගින් පරිගණක දත්ත,මවුපුවරුව හරහා රැම් එකටත් නැවත රැම් එකෙන් මවුපුවරුවටත් ,මවුපුවරුවේ ඩේටා බේස් හරහා ප්‍රොසෙසරයටත් නැවත ගමන් කරයි.

මෙසේ එක් එක් ස්ථානයට දත්ත පිළිවෙලට චක්‍රයක් ලෙස ගමන් කරන්නේ ,මවුපුවරුව මගින් ලබා දෙනු ලබන විදුලි සංඥාවක හෙවත් ක්ලොක් පල්ස් එකක තාලයට අනුවය.එය66MHz,100MHz,133MHz,200MHz,800MHz,933MHz යනාදී සංඛ්‍යාතයන්ගෙන් නිකුත් කෙරේ.විවිධ කාලවල ආ ප්‍රොසෙසර් සදහා ඊට ගැලපෙන රැම් කාඩ්ස් ද නිෂ්පාදනය කෙරිණ.ඒ ප්‍රොසෙසර් හා ඊට ට ආදාල රැම් කාඩ්  ගැන විස්තර ඉහත අප දක්වා ඇති වගුවෙන් බලා ගත හැකිය.

වැඩි ධාරිතාවකින් යුතු රැම් යෙදීමෙන් පර්ගණක යේ ක්‍රියාකාරි වේගය වැඩි කර ගත හැක.ඉහල රැම් ධාරිතාවක් ඇති DDR3 කාඩ් එකක් භාවිතා කරන විට මෙහෙයුම් පස්ධතිය 64 Bit එකක් විය යුතුය.
මවුපුවරුවකට රැම් කාඩ් එකක් තෝරා ගැනීමේදී සැලකිය යුතු කරුණු​
මවුපුවරුවකට රැම් එකක් තොරා ගැනීමේදී පරිඝනකයේ මවුපුවරුවේ ක්ලොක් පල්ස් එකට සමාන ස්පීඩ් එකක් ඇති රැම් කාඩ් එකක් තොරා ගැනීමට වග බලා ගත යුතුය.
එසේම එකම මවුපුවරුවකට රැම් චිප් දෙකක් සවි කිරීමේදී ඒ දෙක එකම වේගයේ නොවු විට එම දෙකම පරිගණකයෙ විසින් හදුනා ‍නොගනී.එනිසා එකම වේගය ඇති රැම් චිප් සවි කිරීමට වගබලා ගත යුතුය.රැම් එකක මෙම වේගය බොහෝ විට එය මත සදහන්ව ඇත.
  • තරංග පරාසය-රැම් සම්බන්ධව ඇති තවත් වැදගත් සාධකයකි.මෙයින් අදහස් කරන්නේ එක් ක්ලොක් පල්ස් එකකදී රැම් එක හරහා යැවිය හැකි දත්ත ප්‍රමාණයයි.තරංග පරාසය මනින්නේ තත්පරයට මෙගා බිට්ස් වලිනි.මෙම අගය වැඩිවන විට පරිගණකයේ කාර්යක්ෂමතාව වැඩිවේ.
රැම් එකක් මිලදී ගැනීමේදි තරංග පරාසය ගැන එතරම් උනන්දු විය යුතු නැත.මන්ද,එක් එක් රැම් වර්ග සදහා බොහෝ විට නියත අගයක් ගන්නා නිසාය.මේ අගය මවුපුවරුවට කොහොමත් ගැළපේ.
පරිගණකයකදී රැම් ධාරිතාව බලා ගැනීම
Picture
  • පරිගණකය ඔන් වීමේදී මුල් තිරයේ වම් පස ඉහල කෙලවරේ ප්‍රොසෙසරයේ වර්ගයද එහි වේගයද පරිගණකයට සවි කර ඇති රැම්වල ධාරිතාව පෙන්වයි.
  • පරිගණකයේ CMOS(Complementary Metal Oxide Semiconductor) වැඩසටහනේද පරිගණකයට සවිකර ඇති රැම්වල ධාරිතාව පෙන්වයි.
  • වින්ඩෝස් ඩෙස්ටොප් එකෙහි ඇති My Computer මත රයිට් ක්ලික් කර Properties තේරීමෙන් ලැබෙන කවුලුව තුළ ප්‍රෝසෙසරයේ වර්ගය හා වේගය සදහන් ස්ථානයේදී ද රැම් ධාරිතාව පෙන්වයි.
යම් පරිගණයක රැම් චිපයෙහි අග්‍ර අතින් ස්පර්ශ කිරීම කිසිසේත් නොකළ යුතුය.එවිට එය අකර්මන්‍ය විය හැක.
පරිගණකය රැම් එක දෝෂ සහගත නම් පරිගණක තිරය මත කිසිවක් දර්ශනය නොවන අතර කේසින් එක තුළ ඇති කුඩා ස්පීකරයෙන් බීප් නාදයක් කඩින් කඩ ලැබේ.සමහර අවස්තාවලදී නවීන පරිගණක ඔන් වීමේ දී ඉබේ රීස්ටාට් වේ.එසේ වන්නේද බොහෝ විට මෙහි දෝෂ සහගත තත්වයන් හේතුවෙනි.එවිට මෙය ගලවා වෙනත් රැම් එකක් සවි කර පරීක්ෂා කිරීම කළ යුතුය.
වැදගත්:-පරිගණක සදහා යොදා ගනු ලබන DDR 1,DDR 2,DDR 3 වර්ගයේ රැම් කාඩ් දෙකම පෙනුමෙන් බොහෝදුරට එකිනෙකට සමානය.එහෙත් ඒවා රැම් ස්ලොට් එකට සවිවන දාරයේ ඇති බීක්කුව පිහිටා ඇති තැන එකිනෙක වෙනස්ය.ඒ නිසා රැම් කාඩ් වර්ගය ගැන ඉතා හොදින් සිහි තබා ගෙන මවුපුවරුව සවි කළ යුතුය.අත්වැරදීමක් සිදුවුවහොත් විදුලි කාන්දු විම් සිදුවී රැම් එක විනාශ වී යයි. 
]]>